Aamma atuarsinnaavatit
Meeqqat attaveqartarnermikkut oqaatsimikkullu ineriartornerat nunatta kitaani siullermeersumik aaqqissuussaasummillu Ilinniartitaanermut Aqutsisoqarfiup Meeqqanut suli atualinngitsunut immikkoortortaqarfik suleqatigalugu 2012-mit 2016-imut misissorpaa. Tamatumani siunertaavoq kalaallit meerartaasa siusissukkut oqaatsitigut pigiliussiartortarnerannik uppernarsaasersugaasumillu ilisimasaqalernissaq. Inernerit meeqqat nalinginnaasumik paasinnittarnerinik oqaasertussusaannillu takutitsipput. Tamanna meeqqat oqaatsimikkut kingusissutut inissisimasinnaasut takuneqarsinnaalernissaannut pisariaqarpoq. Siunertamut tassunga meeqqat oqaatsinik paasinnissinnaanerinut atuisinnaanerinullu naleqqiiffissanik tabeliliortoqarpoq.
Misissuineq oqaatsitigut nalinginnaasumik ineriartortarneq pillugu ilisimasaqalersitsiinnanngilaq, aammali kalaallit meerartaasa oqaatsinik pigiliussiartornerannut ilisimasanik nutaanik sulinermi atorneqarsinnaasunik tunniussivoq. Taamattaaq paasisat tunngavigalugit pigiliussiartortarnerup ilusaa nassuiarneqarsinnaavoq; soorlu ussersornerit, meeqqaat oqaaseqqaavi, suiaassutsikkut assigiinngissutsit, oqaasilerinermullu tunngassut ajornassusaallu.
Kalaallittaaq oqaasii nassuiarneqarput, nassuiarnerisigullu kalaallit meerartaasa oqaasinikkiartornerminni oqaatsit ilusaanni suut aporfigisinnaasaraat, kulturimilu oqaatsinik atueriaatsip attaveqariaatsillu meeqqat oqaasinikkiartornerinut sunniutigisinnaasaat takuneqarsinnaallutik.
Nalunaarusiaq meeqqat oqaasiinik suliaqartunut assigiinngitsunut saaffiginnittuuvoq, soorlu oqallorissaasut, perorsaasut, peqqissaasut, ilinniartitsisut, tarnit nakorsaat aamma oqaatsinik ilisimatuut.
Nalunaarusiami meeqqat kalaallisut oqaasinikkiartornerminni oqaatsini aporfigisartagaat itisilerlugit allaatigineqarput uku apeqqutit aallaavigalugit:
- Meeqqat oqaatsini nipit qanoq ilinniartarpaat?
- Meeqqat attaveqarniarlutik ussersortarneri qanoq ineriartortarpat?
- Meeqqat oqaatsit suut ilinniaqqaartarpaat, aamma niviarsiaqqat nukappiaqqallu oqaasinikkiartortarneri assigiinngissuteqarpat?
- Meeqqat oqaasinikkiartorneri aaqqissuussatut ineriartortarpat?
- Oqaatsitigut ineriartorneq nalinginnaasoq meeqqanit malinneqarnersoq qanoq nalilissava?
Misissuinermik tunngaveqarmat kommunit meeqqat oqaasiinik naliliinerminni ikiuutigisinnaavaat, aammali angajoqqaat meeqqamik oqaasiinik soqutigisallit meeqqat oqaasiisa ineriartornerinut tunngasunik paasisaqarfigisinnaallugu.
Paasisaqarnerorusukkuit attavigiuk:
Atuarfinnut siunnersorti Mette Larsen Lyberth
Email: mell@nanoq.gl
Oqarasuaat: (+299) 34 62 78
Tassa! pillugu ullunut sammisaqarfiusunut peqataanissigut ilissi atuarfittut inuusuttut peqqinnartunik nakuuserfiunngitsunillu attaveqarfiisa, atuarfeqarfissinni inuusuttunut ataasiakkaanut ataatsimoortunullu iluaqutaasussat, pitsanngorsarneqarnissaannut peqataasinnaavusi.
Tamakkerlugu atuarukNAKUUSAmi pingaarnertut siunertaavoq FN-ip Meeqqat pillugit isumaqatigiissutaata tunngiviata naleqartitaasalu ilisimaneqarnerulernissaat, taamaalilluni malinneqalernissaanut tunngavissiisinnaalerluni. Nunarsuarmi aaqqissuussat meeqqanut tunngasut annersaattut UNICEFip suliassaraa meeqqat pisinnaatitaaffii ataqqineqarlutillu maleruarneqarnissaat, meeraanermi inersimasuunermilu pitsaanerpaamik tunngavissiisuummata.
Tamakkerlugu atuarukIlinniartitaanermut, Kultureqarnermut, Timersornermut Ilageeqarnermullu Naalakkersuisup Danmark-imi efterskolit aamma fagskolit namminersortut tikeraarsimavai
Tamakkerlugu atuarukIlinniartitaanermut, Kultureqarnermut, Timersornermut Ilageeqarnermullu Naalakkersuisup Danmark-imi efterskolit aamma fagskolit namminersortut tikeraarsimavai
Tamakkerlugu atuaruk