Nutaarsiassat kingulliit

Tamassa nutaarsiassat kingulliit, allakkatigullu nutaarsiassat kingullerpaat. Oqaluttuanik Piareersarfiit nassiussaqartinniarneri aaqqissuisoqarfimmut ajornakusoorsimavoq, ineriartortitsinermillu suliassanut allanut nukiit atorniarlugit allakkatigut nutaarsiassat atorunnaarsinnissaannik aaqqissuisoqarfik aalajangiussivoq.

Ukiami Piareersarfinni pisimasut amerlaqaat. Blended e-learningimik pikkorissartitsisoqarpoq, Qaanaami Piareersarfik nutaamik pisortartaarpoq, faginut ataatsimiititat ukiuunerani soraarummeerutissat ineriartortinneri ulapputigivissorsimavaat, Kullorsuarmi Ikerasammilu NUIKI-mik ingerlassat aallartinneqarput, sorpassuarnillu pisoqarpoq.

Ineriartortitsinissamut agguaassaaatigut ukiumi matumani suliniutinut assigiinngitsunut aningaasarpassuarnik tapiisimapput. Assersuutigalugit Nuummi Narsamilu inuunerinnermik suliniutit ingerlanneqarput, Uummannami mentorimik (siunnersuinermik) suliniut ingerlanneqarpoq, aammalu najugaqarfimmi inuussutissarsiorfiusoq qanimut suleqatigalugu Sisimiuni suliffimmi sungiusarnermik inuusuttut aserorterisarsimasut peqataalersinniarlugit suliniut ingerlanneqarsimavoq.

Saniatigut Inatsisartunut qinersisoqarpoq, kinguneraalu suliffeqarfimmi suliassaqarfimmut nutaamik Naalakkersuisoqalernerput, tassaasoq Vittus Qujaukitsoq, Siumumeersoq.

 

Tamassi juullisiorluarnissassinnik ukiumullu nutaamut iserluarnissassinnik kissaappatsigit. Ukiumut pereersumut qujanaq, aappaagulu takussaagut.

 

Juullimi pilluakutsooritsi

Janus & Lona