Centerlederit Sisimiuni ataatsimiinnerat

Piareersarfiit pisortaasa ukioq-manna ataatsimeeqatigiinnerat siulleq, Hotel Sisimiuni, ingerlanneqarpoq. Qulequttat , Namminersortuni Naalakkersuisoqarfinnit nutaarsiassaniik, Maniitsumi Qallunaat-Nunaanni Vestegnimi produktionsskolinik inuusuttunillu siunnersuisarneq pillugu suleqatigiinneranniik, Naalakkersuisut nutaanik iliuusissaminnik pilersaarutaannut , eqqartorneqarput.

Ataatsimiinnermi aallarniisuuvoq Isak Nielsen Kleist, Inuussutissarsiornikkut Aatsitassarsiornikkut Suliffeqarnikkullu Pisortaqarfimmi allaffissornikkut pisortaq. Saqqummiuppaa Naalakkersuisut suliffissaaleqisunut iliuusissatut pilersaarusiaat nutaaq.

Eqqartukkat sammisamut tunngassutillit

Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmiit peqataatitap ilinniartitaanikkut periusissaq , pilersaarullu saqqummiuppaa, inooqatigiinnikkut tarnikkullu siunnersuisarfik kiisalu Nuna tamakkerlugu Ilitsersuisarfittaaq aamma oqaluttuarineqarput.
   Saqqummiussereernerup kingunerisaanik oqallisigineqarpoq innuttaasunik meeqqat atuarfianniik inaarutaasumik allagartartaanngitsoorsimasunik qanoq alloriartoqarsinnaanera sinerissami inuussutissarsiutitigullu ilinniarfinni misilittagaqartoqarnera ujartorneqarluni oqallisigineqarlunilu.
   Piareersarfiit pisortaasa oqariartuutigaat Naalakkersuisoqarfiit akimorlugit soqutigisaqaqatigiittut suleqatigiittoqarnissaa innersuussutigalugu, innuttat ilinniakkatigut qaffassarnissaat qanoq anguniarneqarsinnaanersoq eqqartueqatigiinnikkut. Uani Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik kiisalu Inuussutissarsiornikkut Aatsitassarsiornikkut Suliffeqarnikkullu Naalakkersuisoqarfik pineqarput.

Eqqartukkat aappaani pingajuanilu Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmiit taannarpiaq pillugu alloriarnerit marlussuit pilersaarusiorneqareerlutik piviusunngortinniarneqartut pillugit saqqummiisoqarpoq.
   Siornatigut nunatsinni aqqutissiuussinermik aqutsisoqarfiunikorlu inooqatigiinnikkut tarnikkullu siunnersuisarfillu ataatsimut allaffeqarlutik  nutaatut aallarterlaat ilisaritinneqarput sammisaallu immikkut tamarmik ersarissumik oqaluttuarineqarlutik.

Ataatsimiiffik ulloq kingulleq
Centerlederit ataatsimiinnerat naggaserneqassooq ulluinnarni sulinerminni atugaat sammineqarlutik kiisalu Aatsitassarsiornikkut Ilinniarfimmut pulaarnermik aamma naggaserneqassalluni.

Centerlederit ukiaru aappassaaneerlutik ataatsimiinnissat pissooq.

Centerlederit innersuussutaat
Qulequttat sammineqartut oqallisigereerneranni Centerlederit sakkortuumik kissaatigaat internitsimut killeqanngitsumik attaveqaammik peqarnissaq ilinniartitaaneq eqqarsaatigalugu. Tunngaviatut taavaat inuusuttut ullumikkut internetsimiittorujussuunerat allattariarsornikkut atuffarissarnikkullu piginnaanngorsaatigisaminnik ilikkagassanullu kaammattuutaalluarsinnaasumik. Taamaalillutik ilinniartitsisut aamma piareersaasioreertarsinnaapput internetsikkut ujaasillutik inuusuttut soqutigisaat aallaavigalugit ilinniartitsinertik ingerlattarsinnaassagaluarlugu.

Programmi uani takujuk