Matematikkertitsisartut matematikkertut

Matematikkimi pikkorissarneq maanna Ilulissani ingerlavoq. Pikkorissarneq ullunik sisamanik sivisussuseqassaaq, ilinniartitsisullu 21-t Piareersarfinnit katersuunneqarput AEU-mi matematikkimi ilinniartitsinermut sakkussanik allanik pissarsiniarlutik.

Pikkorissartitsinerup siunertarivaa ilinniartitsisut AEU-mi atuartitsinermut aaqqissuussinermik atuartunut tulluarsaaneq. Ilinniakkap najoqqutaa eqqartorneqassaaq aammalu pikkorissarnerup ingerlanerani ilinniartitsisut piginnaasamikkut qaffassaneqassapput ilinnialertitserusunnartunik ilinniartitsissutissaliornermut.

AC-tut atorfilik Lona Lynge Naalakkersuisoqarfimmit ima oqaasertalimmik pikkorissaaneq ammarpaa: - Pikkorissarnissinni periarfissaqarpusi pitsanngoriarnissassinnut, tamannami inissaqartinneqartuaannarmat. AEU suliniutaavoq ataatsimut naleqqussartagassarput aamma allanngortilaartarlugu piffissap ingerlanerani, assersuutigalugu ilinniartitsineq pitsaanerulerniassammat. Taamaammat ilinniakkamut najoqqutassaq pikkorissarnerup imarissavaa, qilanaaraaralu malinnaanissara tusarnaarlugillu ilinniartitsisarnissinnit misilittakkasi, pikkoriffisi aammalu siunnersuutigerusutani suliassinnut tunngasut.

Inuussutissarsiornermut, Aatsitassaqarnermut Suliffeqarnermullu Naalakkersuisoqarfik AEU-mi siunnersorti Erik Christiansen suleqataalu Ane Fleischer Ilinniarfissuarmeersut suleqatigalugit pikkorissartitsineq aaqqissuuppaat.