Piareersarfik pillugu nutaarsiassat

Ukiumut marloriarluni nutaarsiassat allaganngorlugit Inuussutissarsiornermut, Aatsitassaqarnermut Suliffeqarnermullu Naalakkersuisoqarfiup saqqummersittarpai. Imarisai tamatigut allanngorartuupput. Nutaarsiassat kingullerpaat 2013-imi oktobarimi faglærerit ataatsimiinnerannut, aammalu Danmarkimi højskolinut ilitsersuisartut paasisaqarniarlutik angalaneri pillugit tunngapput.

Oqaluttuatsialaateqaruit taanna Janusimut imaluunniit Lonamut nassiukkiut, taamaalilluni oqaluttuassaatit nutaarsiassanut takkuttussanut ilanngunneqarsinnaassammat. Tassaasinnaapput AEU-mi suleqatigiinni sap. akunnerini sammisassanik suliaqarnermut, najugaqarfinni aaqqissuussaasuni peqataanermut, ulluinnarni sulinissinni assinut, allarluinnarnilluunniit Piareersarfinnut allanut ilisimasaqarfigilissallugu pingaaruteqarsinnaasunut tunngasuusut.

Oqaluttuassaatitit, imaluunniit suliat assigiinngitsut pillugit paasititsiniutit ukununnga nassiutikkit: Janus C. Kleist, email: jck@nanoq.gl imaluunniit Lona Lynge, email: loly@nanoq.gl .

Tusarfiginissarsi qilanaaraarput!

Inussiarnernerpaanik inuulluaqqusilluta,

Janus & Lona