Aqqutissiuussisutut ilinniagaqarneq

Majoriami aqqutissiuussisartuuguit aqqutissiuussinerni pisut assigiinngitsorpassuit isumagisinnaasariaqarpatit. Illoqarfimmi mikinerusumi aqqutissiuussisaruit Majoriami kisimiillutit taamatut suligajupputit. Tamanna ilinnut assut piumasaqarfiuvoq. Taamaattumik allagartartaarlutit aqqutissiuussisartutut ilinniassaatit!

Ilinnut ilinniartigit! Taamaalillutit ilinniagaqarnermut suliffeqarnermullu pitsaanerpaamik aqqutissiuussisinnaalissaatit. Aqqutissiuussisutut ilinniagaqarnermissaaq ilinniartut sinnerinut attaveqarfiliorluarsinnaavutit. Taamaalillutit illit najugaqarfinni innuttaasunut aqqutissiuussinermut tunngatillugu kisimiittut misigisariaqassanngilatit.

Uani ilinniagaq sukumiinerusumik paasisaqarfigiuk: www.aqqutissiuussineq.gl 

Aqqutissiuussitutut ilinniagaqarnerup siunertai

  • Aqqutissiuussisartoq ilinniagaqarnermut imaluunniit suliffeqarnermut piginnaaneqarluni aqqutissiuussisalernissaminut piginnaasaqalernissaa
  • Aqqutissiuussisartup aqqutissiuussap inuttut tunngavigisaanik soqutigisaanillu ilanngussinnaalissagai
  • Aqqutissiuussisartoq atugarisat paarlakaattut atassuteqaatillu assigiinngitsut ataanni aqqutissiuussisinnaalissasoq
  • Aqqutissiuussisartoq najugaqarfimmi aqqutissiuussisartuni attaveqarfiit inerikkiartortinnissaannut suliaqarluni ilanngussinnaalissasoq
  • Aqqutissiuussisartoq aqqutissiuussinermi atuagarsornikkut suliaqarnermilu ilisimasaqalissasoq
  • Aqqutissiuussisartup inuttut suleqatigiinnilu piginnaasaminik inerikkiartortitsissasoq
  • Aqqutissiuussisartoq suliamigut aqqutissiuussisartutut kinaassuseqalissasoq

Ilinniagaq nal. akunnerinik 420-nik sivisussuseqartussaavoq, ilinniarnermik ingerlassat sisamaallutik suliffeqarfimmilu sungiusartoqassalluni.

Aqqutissiuussisartutut ilinniagaqareeruit pikkorissarsinnaavutit aamma aqqutissiuussisarnerup iluani suli immikkut ilinniaqqissinnaavut.

Sulisartuusut piginnaanngorsarnerini aqqutissiuussineq pingaartuuvoq

Piginnaasaqarlutit aqqutissiuussiguit inuit namminneq inuunerminni aqutsisinnaalernissaannut pitsaanerpaamik periarfississavatit. Ilutigalugu sulisartuusut piginnaanerisa qaffasissumik inissiffissaannut aqqutip naannerulernissaanut peqataaqataassaatit. Nunatsinni aqqutissiuussineq pillugu Nuna Tamakkerlugu Ilitsersuisarfiup aqqutissiuussisartut piginnaasallit ilinniagaqartippai.

Nunatsinni aqqutissiuussineq pillugu Nuna Tamakkerlugu Ilitsersuisarfiup siunertai

  • Aqqutissiuussinerup misissoqqissaarnera inerikkiartortinneralu
  • Aqqutissiuussisartunut attaveqarfiliorlunilu tapersersuineq
  • Aqqutissiuussisutut atorfinereersunut Aqqutissiuussisutut ilinniagaqarnermik neqerooruteqarneq
  • Aqqutissiuussisartoqatigiinnut ataasiakkaanullu piginnaanngorsaanermik neqerooruteqarneq

Inatsisit

Kalaallit Nunaanni ilinniartitaanermut inuussutissarsiutinillu siunnersuisarneq pillugu Namminersorlutik Oqartussat inatsisaat nr. 4, 29. november 2013-meersoq