Tamarmik ataatsimut kattullugit

Tamarmik ataatsimut kattullugit Majoriamiipput. Taamaalillutik kommunimi najugaqarfinni innuttaasut piginnaanngorsarusukkunik suliffeqarnermut ilinniartitaanermullu ilitsersuutit tamaasa pillugit saaffiginnissinnaapput. Taamaammat Majoriaq sullissiviuvoq assissaqanngitsoq.

Sulisartuusuni piginnaasaqarnerup inissisimaffianik majoriaq qaffatsitsivoq! Majoriaq aallaavigisaq tassaavoq aqqummik ataasiinnarmik tunngaveqarnissaq. Isumaqarpoq suliffeqarnermut ilinniartitaanermullu ilitsersuutinut piginnaanngorsarnernullu tamanut majoriami ataasiinnarmik iseriarfissaqartoq. Taamaalillutik innuttaasut inuunerminni ingerlariaqqinnissaminnik pisariaqartitsilerunik illoqarfimmi sumiiffimmut ataasiinnarmut saaffiginnissinnaapput.
Majormiami suut tamaasa isigai
majoriaqarfiup ilinniagaqarnermut suliffeqarfimmullu ilitsersuisartuuffiunermigut kommunini nalinginnarmillu nunap sinnerani periarfissanut unammillerfissanullu tamanik annertuumik isiginniffeqarpoq. Saniatigut majoriaqarfiup ilinniagaqarnermut suliffigisamullu piginnaanngorsaanermik neqeroorutigisinnaavai, taamaalillunilu sulisorisani piginnaasaqarfiup inissisimaneranik piginnaanngorsaanermi suliaqartutut iliuuseqarluni.

Majoriaq aqqusaartitsisartutut atuuppoq
Majoriaqarfiup ilisarnaatigaa tamatigut pisariaqartunik iliuuseqartarnini. Annerunngitsumik minnerunngitsumillu. Pineqartormi tassaavoq inuit ingerlariaqqitsinnissaat. Majoriaqarfinni sukumiisumik misissuisoqarneq kingornatigut aqqusaartitsiniarluni anguniagaqarluni iliuuseqartoqarsinnaaneranik isumaqarpoq. Inuussutissarsiummik ilinniagaqarluni inuup karakteeri ataaseq amigaatigippagu allat pinnagit karakteeri taanna anguniagaralugu sulissutigineqartarpoq.

AEU-p Inuussutissarsiummik ilinniagaqarnissaq piareersarpaa
Atuagarsornikkut inuussutissarsiummik ilinniagaqalersinnaalersillugit inuit Majoriami piginnaanngorsarsinnaapput. Periarfissaraat AEU, tassaasoq tamakkiisumik misilitsinnertut imaluunniit fagitut ataatsitut ingerlanneqarsinnaasaq. Naammaginartumik inernilimmik angusigaanni AEU inuussutissarsiummik ilinniagaqarnissamut aqqutissiisarpoq.

Majoriaqarfimmut tunngaviupput Ilinniagaqarnermut pilersaarut aamma Sullissinissamik isumaqatigiissut
Majoriaq 2006-imi ukiakkut pilersinneqarpoq, tassaalluni Ilinniagaqarnermut pilersaarummi (pdf) Naalakkersuisut kissaatigisaanni inerniliissut. Taamanikkut Namminersornerullutik Oqartussat kommunillu akornanni Sullissinissamik isumaqatigiissutinut siullernut isummat tunngavigisat suliarinerilu KANUKOKA-mit taamanikkullu Suliffeqarfeqarnermut Inuussutissarsiutinillu ilinniartitaanernut Pisortaqarfimmit suliarineqarput. Sullissinissamik isumaqatigiissut siulleq ukiunik pingasunut atuuppoq, 2009-mi ukiumik ataatsimik taamatullu 2010-mi sivitsorneqarluni. Maanna Sullissinissamik isumaqatigiissutit ukiut tamaasa isumaqatigiissutigineqartarput.  

Saniatigut Majoriaq siusinnerusukkut pilersitsisimanerit, soorlu Ungdomstjenestip (2004-mi unitsinneqartup), STI-mik ilinniarfiit (2006-imi unitsinneqartut), kiisalu suliffissarsiuussiviit kattunnerinik katersuiffittut isigineqarsinnaavoq. Suliffissarsiuussiviit illoqarfinni tamani Majoriaqarfimmut akuliunneqarsimanngillat, taamaalinerani ingerlatitsisarfiit taakku marluk akornanni qanimut oqaloqatigiittarnissamik pisariaqartitsisoqarluni.