It-reg

IASN-ip internetimik toqqammaveqartumik qarasaasiakkut nalunaarsuisarfik inerikkiartortippaa, ilaatigut Piareersarfimmi ingerlatsinermi inuit piginnaaneqarfiinik katersaatinik aamma iliuusissatut pilersaarutinik pilersitsinermut atorneqarsinnaasoq.

It-reg-imut iserit.

Pitsaanerusumik tamanik isiginnilerit! Illit Piareersarfimmi internetikkut nalunaarsuiffinni saaffiginnittunut inuit tamaasa nalunaarsorukkit illoqarfigisanni kommunerisannilu innuttaasunut periarfissat unammillerfissallu pillugit pitsaanerujussuarmik tamanik isiginnilersinnaavutit. Taamaattumik taassuma atornissaa pingaartuuvoq, inatsisitigullu pisussaaffigaat.

It-reg atoruminartuuvoq
Taamaallaat inuup cpr.nr.-uanik nalunaarsuiguit inuup tunngaviatigut paasissutissaatai erniinnaartumik pissarsiarissavatit, soorlu aappaqarnera, meeraqarnera, najugaqarfigisimasaatalu oqaluttuassartai. Paasissutissat tamakku pigigukkit inuk pillugu suliaq eqqissivillutit aallartissinnaanngussavat. Saniatigullu illit sulininni naleqquttunngoraangat taamaaliorsinnaavutit.

Iliuusissatut pilersaarusiorit!
It-reg-imi Piareersarfimmi ingerlatsiniartunut tamanut iliuusissatut pilersaarusiorsinnaavutit. Iliuusissatut pilersaarummi ullormik aallartiffimmik naggataarfimmillu inissiissaatit, ullullu taakku akornanni ataatsimiinnerit / pisassat pingaarutillit immersorlugit. Iliuusissatut pilersaarut pisariaqassagaangat tamatigut iluarsaanneqartarsinnaavoq. Inuit inuunerminni ingerlateqqinnissaannut angusaqarniarluni iliuuseqarniarnermi iliuusissatut pilersaarutit sakkuupput pingaarutillit.

Inunnut piginnaasanik paasissutissat pissarsiarikkit!
Inuup pappialaatai tamaasa pineqartup It-reg-imi suliarineqarfianut scannerlugillu passiarsiarisinnaavatit. Taamaalillutit inuup piginnaasaanik tamanik isiginnilersinnaavutit, inuullu ingerlariaqqinnissaanut angusaqarniarlutit iliuuseqarnissat pisariunnginnerulissaaq. Immaqa pineqartoq suliffittaarniarnermini tuluttut pikkorissarnissaq amigaatigiinnaraa erseqqissunngussaaq?

It-reg suleqatigiinneruvoq
It-reg-ip programmianik atugaqarneq Qitiusutut aqutsisoqarfiup kommunillu iluaqutigissavaat. Paasissutissat nalunaarsukkat tunuliaqutaralugit Qitiusutut aqutsisoqarfik pingaarnermik tamanik isiginnilissaaq, kommunillu pitsaanermik tamanik isigisaqarfiusumik suliamik isumaginninnermik sunniuteqarluarnerusumik pissarsissapput. Tassaavoq suleqatigiinneq, tassani programmik inerikkiartortinneranik peqatigiilluni aqutarinissaa pingaaruteqarluni. Paasissutissat tamarmik nalunaarsuinermik najoqqutassiamit illersugaapput.

Attaveqarfiit
Programmit inerikkiartortinneranut siunnersuutissaqaruit imaluunniit oqaaseqaatissaqaruit attavigiuk Janus Chemnitz Kleist emailikkut jck@nanoq.gl . Isumassarsiat siunnersuutillu pitsaasut tamarmik iluarisimaarlugit tiguneqarumaarput.

Inatsisit

Piareersarfiit ingerlanneqarnera pillugu sullissinissamik isumaqatigiissut

Namminersornerullutik Oqartussat nalunaarutaat nr. 17 ulloq 16. oktoberi 2007 Piareersarfinni qitiusumik ingerlatsiviit suliaminnik ingerlatsinerat il.il. naliliisarneq pillugu